希望與相信

Boxing day，是拆禮物的日子。

如果當下（present)就是最好的禮物，那麽裝着這禮物的，又是怎樣的盒子？

是「life is like a box of chocolate」那大抽獎唔知乜料的box？

抑或揭示人性，但最後會留下希望的「潘朵拉盒子」？

希望，是coaching clients常掛在口邊的用詞，但總潛藏不咬弦的悲調。

我希望自己是萬人迷／富二代／藝術家／創業家，甚至「一個快樂的人」......潛台詞是：唉，但我知道自己不是啦。

然而，與其「希望」，不如「相信」。即係點？

希望做藝術家，要等待被發掘。相信自己本來就是藝術家，自自然就去創作，仲等咩？

希望成為萬人迷的，總是嫌棄自己這裡那裡還很醜。但相信自己根本就有吸引力的，笑起來都格外自信，睇落又真係靚咗。

希望自己升職，跟等運到差不多。但相信自己根本就是CEO料子，連老闆嗰份都做埋，最後就真的快人一步升呢了。

希望，是期待幸運降臨的「wish 」。 相信，是不需別人認同，反正老子就是這樣你奈我如何的「be」。希望是被動。相信是行動。假戲真做，結果又真夢成真了。

Boxing Day，願我們在這天unbox的，是自己對自己的相信。