2009年7月8日星期三

膠袋稅狂想

今日一早,超級市場發生史無前例的排長龍事件。

收銀處,擠滿陳李張黃何有姓無名的街坊街里。

陳師奶問:「一個膠袋收五亳,十個五蚊,一百個五十蚊...買滿四百蚊,有得送貨冇?」

麥太問:「有會員咭有九折,一個膠袋應該係四毫半,有冇得儲積分?」

財叔問:「膠袋有大有細,大小同價,可唔可以要大唔要細?」

財嫂慌死執輸,答腔道:「透明又係五毫,單色又係五毫,彩色又係五毫,淨係要彩色丫,唔該!」

肥仔明屈指算着,又問:「五亳一個膠袋,咁裝雪條嗰個計唔計?裝壽司嗰個計唔計?阿媽叫我買橙,咁裝橙嗰個又計唔計???」

慳妹發脾氣揼地,質問道:「明明一個膠袋放得落,做咩同我入兩個?」

住埋同一層的菲傭Maria和Maryann,夾埋諗計:「share the bag,keep the change,yes! 」一日打五亳子斧頭,每月可以多撘幾次電車去皇后像廣場會友。

打晒蛇餅的顧客,陸續加入發表意見:「我有膠袋,不過係第二間超市的,用唔用得?」「嘩!呢間超市個膠袋厚d,不如以後去呢間買!」「咦?有人漏咗個膠袋,我攞嚟用,會唔會犯法?」「喂,買袋垃圾袋,一人分一個,好似仲抵喎!」

售貨員面對四面楚歌,手心冒汗,額頭滴汗,雙腳發軟,逃之夭夭。超市「實Q」,見狀不理三七二十一,將人群掃了出門口。

門口有個阿嬸,攞住家中的幾百個膠袋存貨,向人群攔路兜售。低價三毫一個,一個鐘頭就賺了一百蚊。阿嬸開心到飛起,直言好過執紙皮。

以上狂言,純屬虛構;如有雷同,實屬不幸。

5 則留言:

John 說...

Ha ha! I love this! Very funny!

一一妈妈 說...

简直是拍案叫绝!!

Joyce 說...

這是很奇怪的事情. 以前會覺得買東西給予膠袋裝著, 拎著回家是社會的進步, 是商家體貼的表現. 現在又要認為不用膠袋是體貼地球的表現, 同時間我們卻做著很多很多損害地球的事情. 如長期開冷氣, 如家居公司商店三五店一裝修......

Frostig 說...

都幾好笑!  

雖然真係好「狂想」,但也認真好笑!(是會心微笑那種。 ;-))

Unknown 說...

I went to Park'N Shop yesterday and noticed that over 90% of the customers do not take the plastic bags from the shop. Goody!