2018年9月22日星期六

返工精神


子華神說,香港人的精神,就是無精神。其實,香港人還有另一種精神,叫返工精神。

香港人,好可愛。我們會趁丁點頭暈身㷫借D易放日病假攤抖下(別說你沒試過)。假,放得唔好嘥。

但是,十號波餘威未了,我們會不顧一切返工。咩呀?家陣打風唔駛做呀?然後抖啖大氣,披荊斬棘上路去。

打工仔如是,救援人員如是。暴風後明明滿目瘡痍,行車路面卻異常暢通。救援人員快刀斬亂麻把倒樹冧棚掃埋一邊,不要阻住地球轉,打工仔勤快上班裡應外合。

「係責任?定係愛呀?」「係窮呀!」搵食,就是核心價值,不是嗎?但我真的相信,在等錢駛的背後,香港人對我城其實有份說不出口的傻傻的愛。

咱們自覺或不自覺,骨子裡有種意識,太平盛世,攞少少著數無所謂。但大是大非當前,務必挺起胸膛撐住香港。

佔領抗爭79天,示威者沒毀掉一塊玻璃,跟十號超級波毀掉一切之後,我們不怨一句「business as usual」,根本就是同出一轍。

特首說,公務員如有困難可不上班。算吧啦。在政府的日子,我無見過有人在風災後借勢不返工,怕落波後交通擠塞而提早出門的倒不少。今天自由身工作,更加不想打風,工作不會取消,還得擇日重賽。

返工如玩障礙賽,打工仔絕不退縮,頂多惡搞一下名為「返工」的電影trailer,幽自己一默,然後又一仆一碌開工去。

沒有留言: