咁你覺得點

在受訓成為life coach之初，有一幕，印象頗深。

Client說：「我上星期簽了幾單大deal。」我秒答：「嘩，那實在太好了！」老師隨即煞停：「這回應，有問題。問題在哪？」

問題在哪？我說的，不也是一般人憑常識最普遍的回應嗎？

問題就在於，子非魚，焉知魚之樂（或苦）。每個人的「常識」，大相逕庭。而且事情不代表心情。事情好壞，跟心情好壞，可恰恰相反。

接着，老師問client：「你簽了幾單大deal， 咁，你覺得點？」。Client訕訕道： 「其實，我覺得有點煩 ，其中一個客好難招呼。」

See！Coach的角色，先不要假設，而要確認，對方起始的心情，再站在同一視點（例如個客好煩怎辦），陪伴client走返出來。情緒同步，才可同行。

「咁你覺得點？」是完全不帶前設的提問。答案也往往有出乎意料。

我被炒魷魚了。咁你覺得點？一天都光晒，等咗好耐，最緊要收齊譴散費。我要做爸爸了。咁你覺得點？嗯⋯⋯其實未準備好，快了點。我最緊忙到死。咁你覺得點？丫，都開心架！至少證明自己重要，做到嘢⋯⋯

「咁你覺得點？」 Coach在對談過程，敏銳覺察每個關鍵位，稍頓，誠懇地問，開放地聽，給予client無限時間去沉澱感受，總有想像不到的magic⋯⋯

「其實⋯⋯我覺得⋯⋯我覺得自己辛苦夠了，我真的不想再suffer下去，我覺得是時候放下執着了⋯⋯」

當一個人，感到被聆聽、被理解、被接納，自能跟心底的慾望和勇氣重新連結。然後從谷底回魂，彳亍前行，由地獄折返人間。

****
追踪及讚好最新FB寫作專頁：黃明樂 Wong Ming Lok