2022年6月29日星期三

為自己移民


真人真事。八歲小妹妹半夜睡醒,聽到父母討論去留,走出房告訴他們:「其實,你地想走,我地一齊走,但唔好為左我,咁大責任,我孭唔起。」

兩年來,很多coaching clients來談移民。早動身的一批,義無反顧,「為仔女,唔係唔走吓嘛?!」 裸辭、裸移,破斧沈舟,舉手不回。

近期起行的,多了猶疑與反思:「為仔女?我有無咁偉大?」

「放棄心愛的工作,放棄錢,離別老父母和老友,離別香港⋯⋯去外國煮飯、打掃、湊細路,從此一世,為了仔女,我真係得?」

她說,孩子面前有一輩子的路,自己也至少有半輩子。「起初,可能捱到,但再過幾年,就開始怨,我為了你付出了幾多幾多⋯⋯委屈、黑面、情緒唔好搵人閙, 仔女一樣遭殃,何苦?」

我很佩服她對自己誠實。我們先是一個人,後才是父母。人,總有自己的需要。

「那,先別想孩子,想自己吧,下半世,你最想點過?」我問。

然後,她娓娓道來,自己一直夢想,人生下半場,兩公婆呢度去,嗰度去,周圍旅居。天大地大,放眼世界,不枉此生。

「那,移民與否,跟這夢想有關嗎?」

「或許移民⋯⋯不是離別,只是旅居?不是走難,只是遊埠?為自己,放一個悠長假期。他日活得不順心,大不了回流。哈。」一直皺眉的她,笑了。

為別人而活,是屈就。為自己而活,也可成就別人,兩者不是零和遊戲。轉念間,對移民的種種疑慮,竟轉化為實踐旅居夢想的動力。

沒有留言: