趁後生，搵第個

誠哥告誡年輕人，如果女朋友要你有樓才結婚，乾脆勸她：「趁後生，搵第個。」

如果那女生是全港唯一渴望上樓的女生，男生又是全港唯一無樓揸手的男生，誠哥的方法，或許奏效。現實卻是，大部分適婚年齡男女，都是無殻蝸牛。搵第個？邊度搵？！

誠哥說得對，未畢業就妄想置業，不正常。那麼，今天的香港人，讀完三個學位也未儲夠首期，有生之年都不能上樓，又是否反常？

單身友儕閒來談人生，常慨嘆，講到尾，結婚否，不重要。生活支援和社交圈子，卻必不可少。與其屈居於比車位還小的單位，一個人、四面牆，等老等死，不如入住單身人士宿舍。

然而這些福利，又輪不到你。外國新興的共住（co-living）模式，其實好吸引。廚房、客廳、花園及公共空間一律共享，仿若回到求學的日子。返老還童，好青春。

無錯，共住有辣有唔辣，但至少有照應。有咩冬瓜豆腐，肯定有人報警，不用變腐屍。畢生勤奮工作，沒有害人，哪一天兩腳一伸，發臭了才通天？sorry，我deserve好一點的下場。

當然，誠哥會說，共住計劃，早就有了。「富貴長者屋」，不正為此度身訂造？

何不食肉糜？能入住「富貴長者屋」的，早就有能力置業了。餘下高不成低不就的多數人，又何去何從？作為地產界奇葩，誠哥，不，小超人，趁接班，係時候諗諗佢。