同一時間，她亦觀察到，香港人雖然不肯變，但好肯做，永遠最忙、最勤力，工時最長，跑贏全世界。
兩個現象合起來，即係點？即是咱們捱餐死，徒然做着過期的事。「為甚麼寧願重覆無用的舊方法，也不願意探索事半功倍的新方法？」朋友勞氣，我笑，共鳴的苦笑。
近年很多coaching clients來探討事業發展，由小薯到大老闆，不論行業，都有個共通點——寧願做死自己，都不肯變。
大家心底深處，都有個奇怪邏輯：「無人做過，一定唔work！Work就老早有人做咗啦！」繼而堅持，除非見到成功例子，否則不應嘗試。
究竟這個「死都要找到先例」的習性，哪兒來的？Clients回溯自己的人生歷程，不約而同發現，幾十年來，自己一直都被洗腦、被教育，自己的角色與責任，就是努力複製，而不是勇敢創造。
求學時期，教育的模式，就是有理無理，先給你一條「例題」，誰能將之無限應用，迅速純熟，就是學霸。
踏足社會，所謂知識型經濟，就是事事跟指引、跟程序、跟制度。守好崗位，十年如一日，確保零風險，無變數，你就夠專業，愈賺錢的行業愈如是。
我們的社會，從不加許由零開始的探索與建立，卻不斷獎賞優質而高效的「copy and paste」。當世界未變，人人賺大錢。但世界一變，失諸交臂，等死。
其實，如果你信，work的話，一定有人做咗，那個人，為甚麼不可以是你？
沒有留言:
發佈留言