2003年，同樣是政治與公共衛生的多事之秋。當時我還是AO仔，做政制，支援保安局搞23條。另一位同年入職的AO朋友，負責衛生，遇上SARS，一樣喊咁口。
事關政府向來做事，第一件事，就是「摷file」。以往怎做，行之有效，不越雷池半步。但SARS史無前例，哪有file讓你跟？
無先例可援，唯有靠常識和判斷。最記得她告訴我，通了幾晚頂，草擬好機場量體溫的行政指令，寫完想嘔，但同時有點滿足感，因為覺得自己至少「做到d嘢」。
後來我離開政府做大長散，方發現這種「跟先例、不要變」的習性，絕非官僚的專利。很多機構，真金白銀付鈔，跪求新思維，但當你真的突破框框，對方即面有難色：「你這提議，好是好，但fit in不了我們現有的system⋯⋯」究竟能夠 fit in固有system 的還算不算「新」思維？我常常都想這樣反問。
在某跨國大企業任職的朋友，近年調職海外，管理包括香港在內的多個國家及地區。她有個驚人發現，講都唔信，每次開大會討論新方向，最不願意改變的，竟是香港人！
香港的同事通常會說，「不嬲唔係咁架喎」，當朋友鼓勵先試試，對方繼續堅持：「全世界都唔會咁試㗎喎」。那一刻，管理全世界的她，好想說，其實全世界當中，就只有咱們香港，唔會、唔想、唔肯咁樣試！
究竟過去十年八載的香港，發生了甚麼事？今天政治、經濟、公共衛生同時冧檔，實乃日積月累集體不求變的結果。如今馬死落地行，會是蛻變的開始嗎？
沒有留言:
發佈留言