頂

悲喜交集，莫過於一邊為奧運港隊努力奮戰奪佳績而喝采，一邊為持續兩年低處未算低的不公義而憤怒。

是以穿鑿附會也好，自作多情也罷，追看奧運的賽後訪問，最記得的，是當港隊打完最後一場羽毛球混雙，記者問二人，來到今天，超額完成賽前目標，有甚麼感想？

鄧俊文說：「由第一場開始已經好辛苦咁頂返嚟，一分一分咁頂返嚟⋯⋯一步一步頂到入八強，最後好辛苦入到四強……」

一分一分頂返嚟。是「頂」。不是信心滿滿的一分一分贏返嚟，也不是歇斯底里地一分一分追上嚟。而是咬緊牙關，沈着應戰，「頂」到最後一刻。

頂，就是，儘管內心情緒翻騰，都要keep calm and carry on。跟張家朗那句：「堅持，唔好放棄⋯⋯如果因為自己發脾氣而輸咗就好唔抵。」，真箇異曲同工。

所以張家朗最好看那段，同樣不是贏金牌的一刻，而是落後6分都可以一分一分頂到反超前那刻。還有羽毛球女團八強賽，杜凱琹夠瀟洒，卻不及李皓晴頂到終於拿下第三回合時，那麼教人振奮。

就連最淡定兼有大家閨秀feel的何詩蓓也不諱言，比賽是八成心理，兩成體能。最後一段，「耷低頭，衝埋佢」，頂得到，就有牌攞。

睇奧運，從未如此投入過，除了香港人的身份連結，還有潛藏的情緒連結。有些東西，與其相信會過去的，不如相信會頂下去的。有幾難頂，你我冷暖自知。但只要頂到，就過關了。大家頂住。

****

追踪及讚好最新FB寫作專頁：黃明樂 Wong Ming Lok