無聊與Go Deep

2024的新年願望，是透過Coffee with Strangers去服務年輕人。不出兩周，搞了兩場，感恩。

先來的是宏恩基督教學院（Gratia Christian College）。有趣的是，來玩的，是社工系和心理及輔導學系的同學——即未來的助人專業者。今次先交換角色，當「受助者」，享受被素人chatters聆聽的服務。

一輪無前設的「真・傾偈」後，大家整合感受： 「我平時唔講嘢，今日開左掣。」「好好，完整講晒自己想講既嘢。」「我好似快速回顧了整個人生，對方咁都肯聽喎。」

開掣、完整、回顧人生⋯⋯都是我們的專業述語。討論既是專業交流，又更像哲學有偈傾，事關有人忽然如此形容——

「我知我想講乜！」乜呢？

「真．傾偈，重點是，可無聊，亦可go deep！」

解釋下？「平日聊天，go 太deep，別人會以為你想自尋短見，嚇死人。太無聊，又無人想聽，悶死人。」

稍頓。「於是，對話往往只能留在一個恰當的範圍裡。但，太恰當，其實不見得很舒暢。」
擲地有聲！

恰當，教人不舒暢，因為先要自我審查——「我咁講人地點睇我？」

真．傾偈，令人舒暢。「因為對方承諾，我講乜，都照單全收。放心go deep，放心無聊。這空間，很珍貴。」

從何時起，我們都匆忙得，由輕鬆地無聊，到認真地go deep，都無空間？

抑或，我們都愛批判無聊，覺得浪費時間？也貶低go deep，覺得不切實際 ？

卻原來，無聊與go deep都是精神健康的支柱，令我們不至淪為行屍走肉的高效機器，做回一個有血有肉的人。