不論是公司結業、裁員，抑或底薪微薄又沒有銷售額分成的變相失業，都好閉翳。
很多coaching clients不約而同來相討搵工的問題，兜兜轉轉，只得出子華神結論： 「家陣唔係你俾人炒左，係你嗰行俾人炒左。」
但家陣，其實更慘，唔只你嗰行俾人炒左，係成個香港俾人炒左！何解？當我跟clients回顧，一直以來，你／你公司是如何搵客的？眾口一詞：「無架喎。做好自己，自然有客來啦！」
「自然有」的意思是，源源不絕的自由行。服務、飲食、零售、旅遊，甚至保險經紀和視光師都告訴我，做好自己，就「自然有」內地客幫襯。
亦即是，如果市場是「供」與「求」，過去十多年，我們只需供，從不用求，自然有，做到唔停手。如今一場疫症，斷了需求，牽連整個香港。南柯一夢，醒晒！
供，是機械式的。製造需求，卻要很多智慧和膽色——這個嘛，香港人早已生晒銹。十多年來，我們dum懶個身，自斷雙臂，廢晒武功，點算？
當年的自由行，本意是SARS後協助香港人「周轉」的方案，是過渡性的。但我們就像那些賒借成癮的人，借得一次就有下次，慣性依賴，久而久之荒廢掉自己的生財腦袋與能力。
一鋪清袋重頭來過，好難，但總算為時未晚。如果當年的沙士是今天的防疫預習，或許後續的歷史也是今天的警剔。香港人，不也曾經以轉數快、有創造力和勤奮自居嗎？在哪兒跌倒，讓我們在哪兒爬起。
沒有留言:
發佈留言