唔好代我做人

故事一：

阿媽版本：每次孩子要求玩遊戲，總是玩到一半就走咗去。「玩，就係你玩；執嘢，就要我執。公平咩？」阿媽自嘲，似工人多過似阿媽。

小女孩版本：「我想阿媽陪我玩，而不是管住我點玩。」事緣阿媽一邊玩，一邊抱怨小女孩這裡做錯，那裡犯規，小女孩意興闌珊，半途離場，剩下一地玩具。

故事二：

年輕才俊受訪，記者問：「你走了不一樣的路，家人如何支持你？」才俊答：「他們對我最好的支持，就是懂得不要太支持。」才俊說，家人不反對他的選擇，就已是最恰到好處的支持。太支持，比本人更緊張本人的發展，反而是壓力。

故事三：

少女把心儀男生的ig照，遞給爸爸：「老竇，你睇你睇，這男生是不是很靚仔？」老竇架上老花鏡：「咩呀，又睇？早兩日咪睇左囉。」少女：「睇多次啦！」老竇反白眼：「有幾靚仔呀？你老竇我後生時仲靚仔。要不要看看老竇後生時的相？」

少女伸脷逃離現場......心暗贊許老爸的反應，表示知道，卻不要太在意，適時加些幽默感，這些「識做」的家長，邊處搵。

親子之間，不離不棄，卻常存安全的距離。「唔好代我做人」，是一眾子女的心聲。有需要時請伸出援手，無需要時完全唔好幫我。讓我走自己的路，自信是我的引路燈，你的愛是我的後循。有自信也有愛的人生，夫復何求？

****
追踪及讚好最新FB寫作專頁：黃明樂 Wong Ming Lok