其實我們都一樣

想不到，調整飲食，變了同理心練習。

朋友知我基於健康理由，天天掙扎吃與不吃，好言相勸：「吃嘛，夠飽也有營養就是。大快朵頤，咪偶一為之囉。」

我猛搖頭。吃嘛，於我來就，絕非單單填飽肚，而是嗜好，或堪稱熱情。真心愛食物到一個點，對食材、烹調手法、廚師個性、食肆故事，都超有興趣，甚至寫過部拙作談吃，在友報也曾寫飲食專欄多年⋯⋯

以前，一日五餐，是五次快樂泉源。吃得一頓好，開心足一日，回味足一世。 聽到人說，吃只是功能需要，唔係卦？！真心覺得不被理解，忟死。

朋友也聽得搖頭：「你終於明白，我那貪靚的慾望吧。」我一呆。

事緣，小女子是那種返工返學去旅行、去街去飲去送殯，也可穿同一件衫的人。素顏上街，不知幾自在。天天用同一背包，轉眼18年，破了洞、披了口、斷過線，不覺殘舊，只覺沾了風霜份外浪漫。

是以，完全不能理解，幹嘛有些人連落街買串燒賣，都要沐浴更衣化個靚妝才出去。我也曾勸朋友：「穿衣，能保暖蔽體就好。悉心打份，咪偶一為之囉。」朋友同樣還拖：「打扮，是興趣，是熱情，是快樂的泉源⋯⋯光是幻想一下穿甚麼，都好high⋯⋯」

兩個星球的人，藉着各自的痛點，終於走回同一視點上。存異，求同。揭開了每個人做人做事的最底層，其實我們都一樣，不過就是為了追隨熱情而活。最後結論：一起找個吉日，扮到靚一靚，痛痛快快吃一頓！

****

追踪及讚好最新FB寫作專頁：黃明樂 Wong Ming Lok