其實我唔想升

許久不見的client，忽然再來coaching。

「我快升職了⋯⋯」「嘩，恭喜晒！」「明樂，咁熟先講，其實，我夠皮㗎啦。同一個位，做到退休，無風無浪，咪好囉。升乜鬼職丫。」他這麽坦白，我笑了。

這番話，聽落好hea。但老闆也不是傻的，如果他真心hea，怎會被提拔？

曾有個笑話：「十號風球也返工，係愛定係責任？」「係窮啊！」實情卻是，很多人（尤其我輩）努力工作的最大原因，真的就是——責任！

幼承庭訓，阿媽教落，做人要過得自己過得人。香港人精神：受人二分四，死都死俾你——這信念自出娘胎已植入意識，不由自主自動導航⋯⋯然後，老闆見你任勞任怨表現尚佳，想升你，都好正常，right？

Thanks，but no thanks。一旦冷靜下來，最真實的心聲是：老子我不想努力了。老闆叫到，盡做。但睇我唔到，唔搵我做，更好。

中年人的頭號通病是「帶有奴性的責任感」；二號通病是「不懂say no」；三號通病是「凡事唔好意思」。

「難道要吃個『誠實豆沙包』，跟老闆坦白我不想升職嗎？點講得出口？」 原來這才是他最想談的coaching題目。

其實，有得升，多多少少證實，自己有點談判籌碼吧？也問心，不是不想升，只是不想繼續做奴隸獸，渴望找回work life balance。又或者，升職卻之不恭，但可否做些自己感興趣的崗位？

終於，他好好梳理了自己的心意，鼓起勇氣跟老闆認真溝通。三個月後，他在公司順利找到更好的定位，更上一層樓，也自覺所做的事，比從前更有滿足感。

****
追踪及讚好最新FB寫作專頁：黃明樂 Wong Ming Lok